قالت الإعلامية بوسي شلبي: ” تعليقا على هجوم البعض على الفنانين اللى راحوا يشجعوا منتخبنا القومى” :-
أولا احنا مشفناش نهائى اللاعبين ولا التقينا بيهم ولا كنا نازلين معاهم فى نفس الأوتيل وكل الكلام اللى اتقال ليس له أى أساس من الصحة . وأتحدى لو كنت نزلت فيديو أو صورة تجمعنا بيهم او حتى صورناهم.
ثانيا المنتخب للأسف انهزم من اراجواى حتى من قبل سفر الفنانين لروسيا وفى عدم وجودهم .. وده رد عاللى بيقول كلام عجيب مافيش داعى انه يتكرر ،ويجب من المسئولين عن الكرة فى مصر البحث عن الأسباب الحقيقية.
ثالثا .. أنا على المستوى الشخصى مسافره أعمل شغلى فى قناة المحور وهو متابعة الفنانين اثناء تشجيعهم لمنتخب بلدهم .. وليس لى علاقة بالمنتخب ولم التقى بيهم.
رابعا .. مش كل الفنانين سافروا على حساب الشركة الداعية واللى تم دعوتهم .. ده يعتبر جزء من الحملة الدعائية للشركة ..
خامسا .. اتشرف بانتمائى من حيث طببعة عملى وصداقاتى للوسط الفنى وبالمناسبة مصر هى هوليوود الشرق وحققت فى الفن طوال تاريخها مالم تحققه حتى فى الرياضة وأى فنان سافر وشجع بلده فى روسيا حاصل على جوائز فى مجال فنه وعمله شرف بيها بلده .. وياريت مصر مستقبلا ان شاء الله تحقق فى الرياضة اللى حققته مصر فى الفن
وأخيرا أنا كإعلامية مصرية أحترم اى نقد محترم بناء يوجهنا لما هو أفضل بدون تجريح أو أساءه .. أو تصيد من هنا أو هناك . هاردلك لمنتخبنا القومى وحظ أوفر فى المستقبل ان شاء