أخبار
عملية الفاكيوم للتكييف.. كل ما تريد معرفته
تفريغ الهواء من #المكيف قبل فتح الغاز اثناء التركيب من اهم الأشياء لعمل المكيف الهوائي بكفائة عالية و بدون مشاكل ويتجاهلها اغلب عمال التركيب 👇👇
إن الغرض الأساسي من عملية الفاكيوم هو جعل وحدة التكييف خالية تماماً من الهواء وبخار الماء لتكون جاهزة لاستقبال وسيط التبريد (الفريون)، وإذا لم تتم عملية التفريغ بالشكل الصحيح، فإن رطوبة الهواء ستؤدي إلى تلف بعض مكونات الوحدة، ومن فوائد عملية الفاكيوم تحقيق أقصى تبريد وأقصى كفاءة
وتوفير في استهلاك الكهرباء للوحدة، إضافة إلى إعطاء قراءة صحيحة للمقياس الضغط المنخفض
الفاكيوم؟
لان فيه جدل كبير حول النقطة دي فخليني احسمهالكم.
ايه هو الفاكيوم؟
الفاكيوم هو عملية ازالة الرطوبة والهواء من دايرة التبريد
هل الفاكيوم مهم؟
الفاكيوم مهم جدا. جهازك بالفاكيوم تبريده أحسن بكتير جدا
ليه الفني مش عايز يعملي فاكيوم او بيعمله مدة قليلة؟
لان وراه طلبات تركيب كتير وعايز يقلبها كللها حتى لو مش هيركبلك بضمير ولكن يظل فيه فنيين محترمين بيعملوا شغلهم بضمير
ايه شكل ماكينة الفاكيوم؟
شبه موتور المياه
مدة الفاكيوم؟
٣٠ دقيقة فيما فوق ولو قليت عن ٣٠ شوية في حدود ال ٢٥ مش مشكلة
هل كل الاجهزة يتعملها فاكيوم حتى لو جديدة؟
اه كللها
طيب انا الفني ركبلي ومعملش فاكيوم وقالي اجيلك اعملك فاكيوم وامشي؟
ده مش حل، حل الموضوع انه يفضي فريون الجهاز ثم يعمل فاكيوم ثم يملاه تاني فريون جديد (مش نفس الفريون علشان فيه فنيين بيعرضوا يسحبوا الشحنة ويرجع يحطهالك هى هى بعد ما تتمزج بالرطوبة والهواء)
الفني او الشركة ركبوا بدون فاكيوم اعمل ايه؟
الحل في الاجابة اللي فاتت ، اعمل شكوى لو تقدر ولكن متزعلش نفسك لان في نهاية الامر انت جايب جهاز تنبسط به
ايه الحجج اللي الفني بيقولها علشان ميعملش فاكيوم او يعملوا وقت قليل؟
بعض الحجج الغير حقيقية اللي الفنيين ممكن يقولوها علشان ميعملش فاكيوم:
– الجهاز الجديد متفكيم في المصنع 
– الفاكيوم لحد ما الجهاز يوصل ل -٣٠
-الفاكيوم مش ٣٠ دقيقة ولا حاجة هم ١٠ دقايق
– بعمل فاكيوم بلدي بدون جهاز اسمه بيرج
– الانفرتر بس اللي بيتعمله فاكيوم
كل ده غلط
الفاكيوم مهم ولازم يكون من ٢٥ ل ٣٠ دقيقة ويزيد حسب قدرة الجهاز
عملية الفاكيوم في مكيفات التي تعمل بغاز R410 مهمة جدا
حتى في المكيفات التي تعمل على غاز 22 تعتبر مهمة بس مش بقدر غاز 410
لان الغاز 410 هوا خليط غازين
32 وغاز 125
لاكن عملية الفاكيوم مهمة في المدى البعيد، ليس اثناء تشغيل المكيف وهوا جديد،
طبعاً انتكمل على المكيفات الاسبلت الحائطية والتى مواسير نحاسها لا يتعدى 3متر ،، نسبة الرطوبة والهواء في المواسير والوحدة الداخلية قليلة
فا عملية الفاكيوم مهمة للحفاظ على جودة التكييف وعمر الافتراضي للضاغط في المدى البعيد
لاكن جودة التكييف والمكيف جديد ليس لها علاقه بالفاكيوم
بس مهم جدا انك تعمل فاكيوم للمكيف
لان لو فتحت الغاز ومشي في الدائرة كاملة، لن تستطيع عمل فاكيوم مرة اخرى إلا بإخراج الغاز كامل من المكيف
ملاحظة بسيطة، كل ما زاد طول مواسير النحاس زادك اهمية الفاكيوم لان الهواء والرطوبه بتزيد في الدائرة
ما ننساش نقطة اخيرة
المكيفات لما تخرج المصنع قبل تعبأتها بالغاز بيعملو فاكيوم للوحدة الخارجية والشركة توصي بهذه العملية اثناء التركيب